Archives

Emigrantes

La Voz de Galicia – 25 de Maio, 2018 →

Cristina PatoSaín da estación de metro co meu marido e de súpeto oímos berrar en galego. Eran as obras da rúa máis concorrida do barrio de moda de Brooklyn, Williamsburg. Na miña ignorancia do mundo da construción non sei dicir quen era quen, pero o que máis berraba parecía que mandaba, e os que escoitaban semellaba que entendían perfectamente o galego. Quedamos mirando un chisco, e eu non puiden evitar preguntar ao máis enfadado de todos: e logo, de que parte de Galicia es? E el, cun medio sorriso, respondeu: de onde sodes vós? Algo pasou na obra que deu a volta de novo para seguir berrando sobre o son da maquinaria pesada que estaba a cortar o tráfico. Camiñamos uns pasos máis a través dos conos cando outro, cun aire máis calmado, achegouse e comezou a falar connosco: de Galicia, do traballo, da vida… pura filosofía no medio do enxordecedor son da civilización. Continue reading

A nosa lingua

La Voz de Galicia – 18 de Maio, 2018 →

Cristina PatoA nosa lingua, coma a nosa gaita, sobreviviu centos de anos, a través dunha historia convulsa, grazas á nosa xente. A nosa existencia, a nosa identidade cultural, non pode ser nin entendida nin explicada sen a nosa fala e a nosa gaita (entendendo a gaita como unha metáfora da nosa música). A realidade de ser diferentes nun mundo nos que todos loitamos por facernos oír é un dos valores máis poderosos do que, para min, significa ser galega: celebrar a diferenza para poder medrar como sociedade. Continue reading

A imitación

La Voz de Galicia – 11 de Maio, 2018 →

Cristina PatoTamén hai xente boa no mundo. Non podemos deixar que tanta maldade, tanta violencia e tanta inxustiza non nos permitan ver as cousas positivas da nosa sociedade. Esta semana estivo en Madrid o neurocientífico Giacomo Rizzolatti, o descubridor das neuronas espello, aquelas que nos fan sentir o que sente o outro: as que nos fan chorar cando chora o outro ou as que nos fan rir cando ri o outro. Nunha das entrevistas que concedeu falaba, entre outras cousas, do uso da realidade virtual para o tratamento de problemas motores orixinados no cerebro, e da cultura da imitación como xeito de aprendizaxe. Continue reading

Refuxiados

La Voz de Galicia – 4 de Maio, 2018 →

Cristina PatoFoi en Berlín cando de súpeto me atopei coa forza da obra do artista chinés Ai Weiwei. As columnas da entrada da Konzerthaus estaban cubertas por centos de chalecos salvavidas de cor laranxa, unha chamada de atención sobre a situación dos refuxiados. A instalación daba a benvida aos asistentes á gala do Cine pola Paz da Berlinale do 2016, e era unha imaxe realmente forte e contrastante que me fixo cuestionar moitas das cousas que asumimos como normais na nosa sociedade. Continue reading

O poder da arte

La Voz de Galicia – 27 de Abril, 2018 →

Cristina PatoGrândola, Vila Morena foi a canción escollida polo Movimento das Forças Armadas para dar o segundo e definitivo aviso do comezo da revolución do 25 de Abril, a Revolución dos Caraveis. Dúas emisoras de radio retransmitirían dúas cancións que marcarían o inicio da democracia en Portugal: E depois do Adeus, de Paulo de Carvalho, foi a encargada de dar o aviso para que tomasen posicións, e a emblemática Grândola de Zeca Afonso daba comezo á revolución. Continue reading

Escritoras

La Voz de Galicia – 20 de Abril, 2018 →

Cristina PatoEstou segura de que lin Anagnórise cando era unha adolescente, de lonxe aínda me lembro dos personaxes. Pero non me lembro de estudala a ela; coma tantas outras mulleres invisibles das ciencias, das artes e da literatura, María Victoria Moreno Márquez simplemente non aparecía nos meus libros de texto.

Estaba a falar cos meus colegas do que significa que non estudemos ou reforcemos as referencias femininas no mundo da cultura e no académico, ou que, cando o facemos, escollendo a unha para cumprir co tema, esta se converta na que carga co peso de todas nas súas costas. Falabamos porque na xira na que estou agora somos dez homes e unha muller no escenario, e eu chanceaba coa idea de que se fallo tocando a Messiaen, pois en certo modo fallo por todas… Continue reading

Poesía e demencia

La Voz de Galicia – 13 de Abril, 2018 →

Cristina PatoCoido que nos coñecemos en persoa o día do Premio Trasalba 2013, pero foi a nosa relación coa perda da memoria a que nos uniu. O seu libro Chamádeme Simbad converteuse nunha clase de antídoto para poder entender unha doenza tan cruel coma fermosa: a demencia. Pero Francisco Castro contábanola dende a mirada dun neno, e grazas a ese libro fixen as paces comigo mesma e coa enfermidade.

A pasada semana Francisco veu a Nova York para participar no International Kerouac Festival, presentando o libro Latexo Beat pero tamén recitando en galego en lugares tan cotiáns como o transbordador que une Manhattan con Brooklyn. Continue reading

A falta de tempo

La Voz de Galicia – 6 de Abril, 2018 →

Cristina PatoSupoño que é este tempo gris que parece que non acaba de abrir, pero resulta complicado manterse motivada cando unha non atopa a enerxía física ou mental para sacar as cousas adiante.

A miña irmá Raquel, educadora, música e profesora de música en secundaria, leva algún tempo investigando sobre a motivación e a implicación dos estudantes de música en secundaria e a súa relación co rendemento académico. O tema da súa tese doutoral é tamén o tema da súa vida: pasou de motivarme a min (son a súa irmá pequena) a motivar aos seus estudantes, e agora á súa filla, coa música como leitmotiv para nutrir outros moitos valores pedagóxicos nos que se sustenta a sociedade. Continue reading

O mestre Abreu

La Voz de Galicia – 30 de Marzo, 2018 →

Cristina PatoAcción Social para la Música era o nome orixinal do proxecto creado no 1975 por un dos grandes revolucionarios da música orquestral, o mestre José Antonio Abreu. O proxecto acabou converténdose nun dos modelos educativos de «democratización da música» máis populares, baixo o nome xenérico de El Sistema (Fundación del Estado para el Sistema Nacional de Orquestas y Coros Juveniles e Infantiles de Venezuela).
Continue reading

Arte Migrante

La Voz de Galicia – 23 de Marzo, 2018 →

Cristina PatoA organización Arte Migrante naceu no ano 2012 polo interese de Tommaso Carturan, un estudante de antropoloxía da universidade de Boloña, de conectar cos emigrantes da súa cidade a través da música e das artes en xeral, e así poder aprender os uns dos outros. Non teño o pracer de coñecelo persoalmente, pero fun testemuña dunha das veladas organizadas pola súa iniciativa en Italia; e recoñezo que a súa misión de fomentar a comunicación dunha sociedade diversa e heteroxénea a través das artes é máis necesaria ca nunca. Continue reading