Biografía

Cristina Pato (Ourense, 1980)
Gaiteira, pianista, educadora, escritora e produtora.

Silkroad: Artista e Asesora de Educación.

Aclamada pola crítica internacional como maestra gaiteira, pianista clásica e educadora apaixonada, Cristina Pato leva unha activa vida profesional adicada ao intercambio cultural e a crear novos camiños para o seu instrumento único. A súa carreira dual tena levado a grandes escenarios de todo o mundo, incluindo xiras regulares polos EE.UU. e Europa, e outras esporádicas por India, Jerusalem, Angola, China, Korea, México, Turquía e a súa España natal. Actúa como asesora de educación para Silkroad (fundado por Yo-Yo Ma) e é unha activa artista e compositora.

En 1999, Cristina Pato convertiuse na primeira muller gaiteira en publicar un disco en solitario, e dende entón ten colaborado con artistas de World Music, jazz, música clásica e música experimental (incluindo Chicago Symphony, Yo-Yo Ma, Arturo O’Farril, New York Philharmonic, Paquito D’Rivera e os bailaríns Damian Woetzel e Lil’ Buck). O seu poderoso estilo único e inconfundible, cheo de paixón e enerxía, foi aclamado polo New York Times como “unha virtuosa explosión de enerxía”; O Wall Street Journal nomeouna “un dos mestres vivos da gaita”. Cristina Pato fusiona influencias da música latina, o jazz, pop e música contemporánea, e emprega toda a súa arte e virtuosismo sen precedentes para dar vida á súa visión musical.

Cunha carreira discográfica que comezou aos 12 anos, Cristina Pato ten lanzado e producido seis discos como gaiteira solista e dous como pianista. Ademais, ten colaborado en máis de corenta gravacións como artista invitada, incluindo o album gañador dun Grammy Yo-Yo Ma and Friends: Songs of Joy and Peace (SONY BMG 2008) e o album de jazz Miles Español: New Sketches of Spain (Entertainment One Music, 2011). Tamén ten un papel destacado no documental The Music of Strangers: Yo-Yo Ma and The Silk Road Ensemble dirixido polo gañador dun Oscar da Academia Morgan Neville. Cristina é a líder do Cristina Pato QUARTET (EE.UU.), do Cristina Pato TRÍO GALEGO (Europa), e unha activa produtora e directora artística de eventos multidisciplinares (incluíndo o seu propio festival Galician Connection).

Cristina Pato ten dado máis de 600 concertos coa súa propia banda, moitos deles gravados e emitidos por medios de comunicación tales coma a RAI, BBC, TVG, CNN e RTVE, e a súa obra ten sido eloxiada por xornais e revistas tales como The New York Times, El País, El Correo Gallego, Downbeat Magazine ou The Wall Street Journal.

Esta activa carreira discográfica non interfire coa súa erudición académica. Doutorada en Musical Arts in Collaborative Piano pola Mason Gross School of the Arts da Rutgers University (EE.UU.), onde se lle concede a Edna Mason Scholarship e o premio Irene Alm Memorial Prize á excelencia como investigadora e intérprete. Cristina Pato posúe a Titulación Superior de Piano, a Titulación Superior de Teoría da Música e a Titulación Superior de Música de Cámara, todas elas polo Conservatorio de Música do Liceu de Barcelona. Ademais, realizou o Master en Artes Dixitais (Música Dixital) da Universitat Pompeu Fabra de Barcelona.

Estas actividades académicas e artísticas teñen contribuido aos seus esforzos educativos. Cristina traballa como Asesora de Educación de Silkroad, colaborando estreitamente na planificación de residencias e actividades educativas, entre elas a colaboración multianual coa Universidade de Harvard. Ten actuado coma ponente, mentora e profesora en varios proxectos que Silkroad está a desenvolver coa Escola de Negocios de Harvard e a Escola de Educación de Harvard, incluindo The Arts and Passion-Driven Learning Summer Institute para artistas e educadores. A súa firme crenza no poder das artes na educación para beneficio do ecosistema social levárona a crear o seu propio festival multidisciplinar: Galician Connection.

En 2012 Cristina escribe “My Lethe Story: The River of Forgetfulness“, unha peza narrativa de música de cámara encargada por Silkroad e estreada na Universidade de Harvard. A peza combina a paixón de Cristina pola neurociencia e a historia persoal da perda de memoria da súa nai.  Con esa peza, Cristina desenvolveu un novo camiño de entender o poder de combinar artes e ciencias nas institucións académicas e en 2014 foi nomeada Mellon Visiting Artist in Residence para a tempada 2014-2015 no College of Holy Cross. En 2016 comezou unha colaboración continuada coa Universidade de California, Santa Barbara coa súa clase piloto: “Memory: An Interdisciplinary Exploration” co-creada e co-impartida por Cristina Pato, o profesor Ken Kosik (neurociencia), a profesora Kim Yasuda (arte espacial) e a profesora Mary Hancock (antropoloxía). En 2017 foi nomeada Blodgett Distinguished Artist in Residence na Universidade de Harvard (Departamento de Música).

Cristina tamén deseña residencias de curta duración e conferencias relacionadas cos temas que explora na súa carreira como intéprete. Os seus álbumes LATINA (Sunnyside Records 2015) e MIGRATIONS (Sunnyside Records 2013) teñen sido a base da súa exploración da identidade cultural a través das artes no contexto académico dos Estados Unidos. Como artista independente, ten sido contratada para impartir conferencias, dar clases e actuar pola Universidade de Princeton, UCSB, UC Davis, Universidade de Wisconsin, UNC Chapel Hill, Universidade de Pensilvania e Universidade de Texas por citar algunhas.

En 2014, o seu proxecto pioneiro Gaita and Orchestra Commissioning Project foi cofinanciado pola organización New Music USA para construir un repertorio para gaita e orquestra sinfónica. Os concertos para gaita galega encomendados por Cristina foron estreados coa Sphinx Orchestra en Detroit, a Chicago Sinfonietta en Chicago, a Real Filharmonía de Galicia, a Orquestra Simfònica del Vallès en Barcelona e a Chautauqua Symphony Orchestra.

Cristina Pato é membro do Comité de Artistas da organización de promoción das artes Americans for the Arts. Activa conferenciante, escritora, ponente e oradora pública, Cristina escribe unha popular columna semanal para o xornal español La Voz de Galicia titulada “A arte da inquedanza“.

Cristina Pato reside na cidade de Nova York, e está casada co fotógrafo Xan Padrón.