Aínda que a meirande parte da tempada de actuacións foi cancelada ou aprazada por mor da pandemia, Cristina Pato e Mazz Swift veñen de crear unha sesión en liña especial do seu fascinante Invisible(s) Project para a Chautauqua Institution. Podes ver o concerto e conversa online aquí. Ou podes ler máis sobre o proxecto na súa páxina web Invisible(s), ou nesta entrevista para o Chautauquan Daily.
Lamentablemente, o Instituto de Verán de Harvard e Silkroad foi cancelado. Cristina estaba desexando poder codirixir o The Arts and Passion Driven Learning Institute en colaboración co profesor Steve Seidel e a Harvard Graduate School of Education. Podes aprender máis sobre o instituto aquí.
En xuño, Cristina participou nunha nova serie de charlas virtuais organizadas polo embaixador de España nos Estados Unidos, Santiago Cabanas. “Un café con…” presenta conversas con españois influentes residentes nos EUA, como José Andrés e Antonio Banderas, organizadas pola Oficina Cultural da Embaixada de España. Podes ver a charla virtual (en castelán con subtítulos en inglés) aquí: